準備考DSE 日日補課 鍾柔美放學攰爆 飛撲搵真銀

剛放學便趕來活動的Yumi一臉倦容，她說：「我仲未放暑假，8月頭先放得，因為9月升中五，依家日日都要返學補課準備DSE考試。（咁咪錯失好多搵錢機會？）如果放學有時間趕到就做。」並指很久沒與Chantel一齊商演，非常開心。

而Chantel透露正在放暑假，近日忙於宣傳新歌《#BFF》，網上點擊衝破100萬，笑言希望聽過該曲的樂迷會被感動。而Yumi落力為好姊妹Sell歌，指歌詞內容圍繞友情，她收聽時想起與好朋友的回憶。

談到《聲夢傳奇2》的師弟妹，問她們可有心水冠軍？Chantel與Yumi即你眼望我眼，靦腆表示有留意，但卻說不出心水學員。問到對哪位學員印象較深？Chantel表示：「我哋有教過Nicole，因為有一日同Yumi、Windy（詹天文）去睇佢排舞，林二汶老師叫我哋幫手，教吓佢啲表情同畀貼士要留意啲乜嘢。」