王祖藍避談劈炮傳聞

雖然陳山聰前晚拍畢《獎門人》後染疫，但該節目昨晚如常錄影。回港後首度現身的王祖藍，提到早前被指已辭去無綫首席創意官一職，問他現於無綫是甚麼職銜？他避忌說：「我流住TVB嘅血，今日係『獎老』。（咁平時呢？）平時係老公。」再問跟無綫的關係如何？他說：「唔OK都唔會返嚟，依家曾志偉最大，我同佢OK就OK喇！（傳你同女高層有拗撬？）男人唔講呢啲嘢啦，TVB個個女高層都係靚女。（傳你同J2台創意總監C君不和？）鍾意到不得了。（你意興闌珊先拉隊返內地發展？）我返去做《聲生不息》，同埋我同老婆都有個節目。如果TVB有任何內地嘢要幫手，我一定會服務總經理。」對於無綫股價跌，他搞笑說：「大家有錢就買起佢。」