搵「車神」咸美頓幫拖 畢彼特踩入F1 同靚佬湯鍊過！

雖然畢佬早前受訪時暗示有意息影，近日卻傳出他將開拍有關一級方程式（F1）賽車的電影，並有意找來英國F1「車神」咸美頓（Lewis Hamilton）任顧問教他賽車！幕後班底除起用《壯》片導演Joseph Konsinski及金牌監製Jerry Bruckheimer外，連故事亦與《壯》片十分相似！

故事講述畢佬飾演的退休車神復出任賽車新手的導師，最後在賽道上成為隊友並肩作戰，爭奪錦標；而咸美頓除了擔任顧問，還會兼任聯合監製。知情者說：「畢彼特完全係飾演賽車手嘅合適人選，多得《壯志凌雲》，Joseph係近期火紅嘅導演，而咸美頓好興奮嘗試呢個新崗位。」

畢佬向來熱愛賽車，2016年曾參加法國舉行的大賽車，本月亦與靚佬湯一同獲邀任英國格蘭披治大賽的貴賓。查實多年前，王家衛亦計劃搵畢佬演《花樣年華》，原故事背景亦是F1，講述畢佬、木村拓哉及梁朝偉3位來自不同地方的賽車手參加在中國舉行的賽車，並同時戀上一名女賽車手，是3男爭1女的故事，但王家衛最終將原計劃擱置。

另一方面，《壯》片的香港票房氣勢如虹，截至前晚，累積票房已接近1億港元；電影公司昨日宣布，《壯》片將於下月23日在Paramount+串流平台上線。