「東張女神」收「姦斬令」報警陳庭欣：唔會退縮！

無綫節目《東張西望》經常製作不少專題報道引起社會關注，追訪難免踩界令主持安全受到威脅，近日有「東張女神」收到「姦斬令」，直指得罪某「集團」，內容語帶兇狠，聲稱得知女主持住址，揚言會報仇、先姦後斬。

據知涉事女主持即向節目負責人備案，陳庭欣昨日受訪時表示：「要出外景嘅同事一定係最辛苦！我自己都曾經有收過奇怪訊息、核突相咩都有，請大家放心，《東張西望》上下一心，唔會因為收到呢啲訊息就退縮，謝謝關心！」李旻芳則說：「訊息唔係我收到，詳情係點我都唔係好清楚，但係都擔心唔嚟，惟有出外採訪時黐實班幕後同事。」而無綫企業傳訊部回覆表示：「由於事情牽涉員工人身安全，本台已立即報警並交由警方處理。」