揼百萬拓展版圖蔚雨芯升呢美容女王

藝人蔚雨芯（Rainky）4年前開始經營美容產品和健康食品生意，今年她再投資7位數開醫學美容診所，擴展美容事業版圖！現年28歲、入行10年的Rainky已成功轉型做女企業家，自言是追夢者，每年都會定下一個目標向前衝，去年疫情嚴峻時，就決定要開醫美診所：「疫情差不多3年，影響各行各業，自己都唔理得咁多，女仔點都會出街扮靚。」

她指香港有很多專門為靚太而設的扮靚地方，而她身邊有不少90後女生，過往每年都會飛韓國：「有啲18歲就想減淡笑紋，之後就笑容多咗！」她與DJ樂宜私下相熟，對扮靚睇法一致，故一拍即合，誠邀對方擔任代言人。問到是否用盡全副身家投資？她笑說：「冇咁慘，我同拍檔一人一半，自己仲有其他投資，分散風險。」她認為女生要靠自己及學識愛錫自己，並大拋金句：「做別人嘅公主，不如做自己嘅女王！」

勤做運動保「魔鬼胸」

Rainky貪靚背後其實付出了不少汗水，雖然近日忙於為無綫劇《靈戲逼人》開工，但仍每日較鬧鐘提早起床做運動，收身之餘亦力保「魔鬼胸」，認為任何女生都需要由20歲開始Keep Fit。她現已達成創業夢，心中仍有一個電影夢，演藝事業上尚欠一個代表作，故笑言下個夢想就是獲金像獎提名。