志偉拍戲唔想叨兒子光 任達華打高球醒神 籌辦畫展

上周五（22日）「仁濟慈善高爾夫球賽」在粉嶺香港哥爾夫球會舉行，一眾明星藝人包括任達華、無綫總經理曾志偉、張頴康、李思雅、容天佑和李麗霞（黑妹）等，聯同仁濟醫院董事局成員出席。近日天氣酷熱，任達華鼓勵大家每天曬太陽和做運動，多出汗和多飲水，令身體更健康。提到早前確診新冠肺炎，他自行停工20多天隔離，由於名模太太琦琦和女兒Ella早在6月時已出發到歐洲放暑假，對他確診全不知情，他稱沒有向妻女透露半句是不想掃興：「佢哋玩得咁開心，我話自己感冒，唔想佢哋擔心。（琦琦知道後有冇心急返港？）知道時我都差唔多好番晒，由『2線』變番『1線』演員，人生就係咁！（Ella有冇怪爹哋冇講？）冇，我做個負責任男人，唔好將出面嘅問題帶返屋企。」現在他反過來擔心妻女在歐洲的安全。他又指自己症狀輕微，並冇喉嚨痛和頭痛，只有少許背痛和發燒了一日半，以中西藥調理很快便痊愈，亦沒有後遺症。

過往熱愛工作，已很久沒有放過長假的他，自我隔離期間遂畫畫自誤，創作出集傳統及科技結合的新派水墨畫作，由於他每日最少畫兩幅畫，造就了數十幅作品來，其畫作以眼睛和汗水為主題，名為《元》，並籌備於明年展出。

另外，提到早前曾國祥在金像獎頒獎禮上寸爆老竇曾志偉，志偉笑指兒子懂開他玩笑，還說：「去到人哋地方要畀面人哋，啱嘅，證明佢大個仔，識講嘢。（佢話冇遺傳你嘅高度？）佢係肥咗，高度唔知係咪後期加工啦！」曾國祥憑電影《少年的你》獲得《第39屆香港電影金像獎》的最佳導演，由於去年沒有實體頒獎禮，今年才上台補領獎，志偉也希望他的獎項陸續有來。問到父子是否有機會合作拍戲？志偉說：「以前佢細個好少同佢合作，希望佢憑自己功勞，唔想畀人覺得因為老竇先拍到部戲；依家我亦唔想同佢合作，唔想因為佢我先有機會拍戲，唔想叨佢光。不過平時同佢少見面，如果一齊拍戲可以見面都幾好。」

講到出爐金像男配角馮皓揚入讀無綫藝訓班引起網民熱議，志偉稱對方攞獎前已簽訓練班，相信他考慮周詳，認為電視台是一個學習和磨練的好地方，他說：「佢咁後生，覺得對佢嚟講係一個好選擇，我會同佢傾吓，睇吓佢點諗。」