謝安琪訂飛熱線冇停過

謝安琪（Kay）與方皓玟組「期間限定女團」下月在亞博開騷，皓玟說：「知道有呢個合作覺得好開心，期待好耐終於來臨！我本身唔多嘢講，但遇上佢有好多話題，可能大家都係媽媽，我哋又好鍾意音樂。」Kay笑言是「方謝配」粉絲：「身邊有唔少朋友打嚟訂飛，我個熱線好似冇停過。」她們透露音樂會上會對唱、互唱及獨唱。皓玟笑言日常開會用一個鐘傾流程，但用兩個鐘傾開心事，又不時交流湊仔經。Kay透露大仔張瞻近年熱衷聽本地歌曲，主動翻查父母舊歌細味歌詞，令她好感動。