莫鎮賢讚阿梅精神長存

歌手莫鎮賢昨日出席梅艷芳出道40周年紀念海報展，他最深刻是電影《東方三俠》，因阿梅的角色與現實的她同樣是女俠，盡心盡力幫人：「當年我喺日本讀書，佢專登打嚟日本叫我參賽。」又指阿梅離世多年，但精神還在，絕對是香港的女兒。同場的文佩玲透露22歲女兒看完電影《梅艷芳》後，便一直聽阿梅的歌：「佢以前淨係聽韓文歌，依家唱K都揀阿梅嘅歌。（阿女有冇諗過入行？）佢冇興趣，大學仲有一年先畢業，鍾意水上活動多啲。」