抽水男肆虐張敬軒唔放心半夜探粉絲

歌手張敬軒、黃妍及葉巧琳於昨日出席商場騷獻唱多首歌曲，吸引數百粉絲到場。軒仔表示今次是他於演唱會後首次公開演唱，笑言心情「緊張到好似生仔咁」。他指前一晚有到場，但並非為綵排：「凌晨3點過咗嚟，因為有Fans昨日下晝開始喺度通宵排隊等派籌，咁夜返屋企唔係好放心，我啱啱收工所以嚟勸佢哋走。」

他坦言有粉絲私訊他指近來活動中，有2位男士多次對其他女粉絲做出過火行為，所以要「敬告」粉絲注意自身安全：「佢哋用身體部位去揩其他女Fans，我覺得成件事好惡劣，所以尋晚先會過嚟，我直情話喺現場用A4紙親自畫一張籌畀佢哋。」他指歌迷能到場支持他，的確很開心，明白新一代有自己追星方式，但一定要注意個人安全。

成為元宇宙地主

另外，洪永城主持的無綫節目《開腦》中，新一集就大講近年興起的「元宇宙」，其中講到有不少圈中藝人成為「地主」，當中包括舉行元宇宙演唱會的軒仔及首位於元宇宙發行數位音樂資產的歌手陳奐仁，此外還有馮德倫及舒淇兩夫婦。