張繼聰修煉功夫收放自如

回歸樂壇的張繼聰，新歌《一個人的武林》是隨着他人生起跌而改變：「呢幾年我經歷過一道好困難嘅人生課題，曾經令我沮喪，但亦令我明白人生中嘅一啲痛苦，係無可避免，亦冇任何解決方法，你只能硬住頭皮去承受，呢個『硬食』過程，係一個信念嘅考驗：即使被指摘，你仍能相信自己嗎？」他腦海裏是一片竹林，自己就像在林中修行的劍客：「但呢個武林只得我自己，鬥嘅係自己修為。」