李元元水着Look變金太郎

藝人李璨琛女兒李元元（Lucy）生得趣致可愛，年紀輕輕已經成為網紅，深受網民喜愛。而阿媽梁志瑩（Sophia）昨日在社交網出賣阿女的泳衣相，見Lucy面珠肥嘟嘟，肚仔脹卜卜，非常得意，更舉起V字勝利手勢笑得燦爛，看來好鍾意身上的紅色泳衣。而Sophia在貼文寫到：「買套紅色泳衣畀個女去沙灘，一唔小心全方位變咗做金太郎。」一班網民睇完都笑爆肚，留言：「金太郎on the beach好正」、「好有體態美」、「金太元入型入格」、「真係好得意」。