重獲自由 乜都想試 簡淑兒向余德丞取經 進軍KOL界

簡淑兒（Jessica）與余德丞（Dickson）昨日現身荃灣拍攝宣傳片，Jessica表示：「好開心可以遇到Dickson，感覺好親切，我哋喺舊公司咁耐都未合作過，今次係第一次。」她表示想創立個人短片頻道：「分享Keep Fit方法，教大家整啲喺屋企都做到、食咗唔會肥又簡單嘅菜式。」又透露正與不同單位洽談工作，或有機會飛外地拍攝，而電影及舞台劇亦想嘗試。

有指其男友麥大力約滿無綫後將重操飛機師工作，Jessica表示他仍有合約，不方便代答，加上現時仍未通關，但相信翱翔天際是每位機師的夢想：「始終花咗好多時間讀書。」

Dickson則表示現時工作自由度較大：「可以自己揀工作好過癮。（會唔會搵Jessica合作？）都可以，自己個頻道好少女仔出現，依家會自己構思好多唔同題材，遲啲會推出，同埋會拍啲短劇。」他又透露除了個人頻道及電台工作外，亦有為綜藝及劇集試鏡。提到早前在頻道中評論食店，事後被食店老闆要求在限期內道歉，Dickson表示只是說出個人感受：「你講自己感受，你會唔會道歉？」認為沒必要再作回應。