眨眼入行25載 佘詩曼唔怕苦只怕曬

佘詩曼1997年參加香港小姐奪得季軍後加入演藝圈，拍過無數經典劇集及創造不少經典角色，成為TVB最輝煌時期的花旦，於香港及內地發展都相當成功。近年她成功打入內地市場，憑一套《延禧攻略》演活了嫻妃一角，將事業推至高峰。昨日她在社交網細訴今年入行第25年的心聲，向不離不棄的各地粉絲真情剖白。

阿佘有感在娛樂圈生活光陰似箭，表示：「成日話時間飛逝，無諗到真係飛得咁快！咁就入咗行25年喇！過去咁多年好似好忙，但又好似咩都冇做過咁，可能因為太開心喇！從來唔覺得辛苦（除咗拍戲太曬之外），從來唔埋怨，因為鍾意！太鍾意我嘅工作喇！鍾意我演過嘅所有角色（除咗一部），感謝每一位畀過機會我嘅人，感謝觀眾嘅喜愛，感謝一直守護我嘅fans。」她亦感激多年來所有曾經合作過的每一個人，感謝好友對她的照顧：「對我嘅好，衷心感謝！」

感慨完畢，阿佘談到未來的大計，表示表演已經成為了她生命中的一部分，所以會一直演落去，笑言即使大家看厭了，自己亦會繼續下去，期待下一個25年有大家在身邊陪伴，讓她繼續發熱發亮。不少網友留言支持及點讚，其中亦有人估她「不鍾意」的角色到底是哪個？