昔日東方陳柏宇冇份旅行 呻遭妻女賣甩
歌手陳柏宇、鍾柔美、林君蓮昨日在東港城為「The Dessert Museum」擔任揭幕嘉賓，陳柏宇透露老婆準備暑假「撇甩」他，帶女兒去旅行，享受陽光海灘。而鍾柔美表示近期忙於準備年底考試，林君蓮則推出處女歌，各有各忙。
陳柏宇（Jason）、鍾柔美（Yumi）、林君蓮與新鴻基地產（銷售及租賃）代理有限公司董事鍾秀蓮，昨日於東港城為「The Dessert Museum」展覽進行揭幕禮。Jason最近錄新歌錄到爛聲，但獻唱時表現未受影響，他說：「錄呢首新歌真係好難，首歌係Pop Rock風格，係歌詞同音域問題，錄完音抖咗2日，亦可能係唱歌方法唔好，為咗嗰個聲嘅要求，要犧牲自己。」
提到Jason的4歲女兒8月放暑假，他透露將被老婆與女兒「賣甩」，兩母女去泰國享受陽光與海灘。問到疫情下出埠，不擔心妻女嗎？他說：「香港疫情都勁啦，邊擔心得咁多？依家都係睇防疫措施做人，如果唔使隔離，相信有一半人都去咗旅行。」
鍾柔美少露面被投訴
正讀中四的Yumi最近忙於準備年底考試，對於被粉絲投訴少露面，她說：「希望多啲同粉絲見面，因為疫情關係，對上一次商場騷已經係上年，暑假工作安排就仲未收到通知，相信去旅行就比較困難，因要隔離準備嘅嘢相對較多，但當然想去旅行。」
近日推出處女作《NFT》的蓮姐首度現場演繹，但表現有少許拘謹，她說：「難度係首歌聽起嚟想跳舞，但係就冇舞蹈可以跳，希望下次可以加啲舞步。會請教Yumi，我對跳舞都有信心。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
