化身店長 「婚」享無盡浪漫 馮允謙鑽飾任揀 氹最重要女人

創作歌手馮允謙日前出席六福珠寶屯門V city分店舉行的「六福珠寶x馮允謙『婚』享無盡浪漫」活動，吸引大批粉絲捧場。Jay化身星級店長及頒獎嘉賓，為冠軍情侶介紹婚嫁產品，又即場獻唱情歌《報復式浪漫》，聽到歌迷心心眼，最後獲六福集團副行政總裁黃蘭詩送贈鉑金吊墜。

剛完成四場演唱會的Jay表示心情尚未平復，仍然很興奮：「今日見到啲粉絲好開心，佢哋好Sweet，喺演唱會嗌得好大聲，每首歌每句歌詞都識唱，所以我好想再開個唱，覺得四場唔夠喉，我之前以為開四場會好攰，但其實唔係咁攰，好想Keep住開騷。」他透露個唱後工作不絕，近日推出歌曲《給缺席的人唱首歌》，又為李幸倪寫了首新歌，故稍後會放幾天假好好充電。

另外，Jay表示母親之前專程由加拿大來港欣賞其個唱，今日（11日）是她的生日，所以已預留一天為母親慶生：「我會同佢一齊做Facial，因為媽咪好貪靚，咁我都需要護膚，同埋會同佢行街Shopping，想送一份禮物畀佢，我知佢鍾意鑽石戒指，佢品味好好，會帶佢嚟六福揀。（會唔會揀隻求婚戒指送女友？）我依家專心工作先，會慢慢處理，但希望唔會太慢啦！」