昔日東方泳會艱苦經營 拍檔共患難 方力申4年冇錢分
方力申（小方）昨出席公開活動時，主動提及旗下泳會生意再次面臨嚴峻的考驗，他說：「疫情唔明確，每日都有2至3,000個確診，加上本地學校同國際學校嘅暑假唔同，好多家長又想請假同小朋友去旅行，生意愈嚟愈難做。其實我同拍檔經營咗4年，至到依家都冇分過錢！」
小方坦言泳會每月支出接近3、40萬：「所以拍檔做生意真係要共患難，富貴就唔使共啦！我都同啲教練講，佢哋入息多過我，我都試過疫情期間零收入，助手主動話減人工，我即刻同佢講多謝。」
攞飯盒做晚餐
現正拍攝劇集《美麗戰場》的他，打趣連開工飯盒及飲品都拿走：「留番夜晚食。我依家減緊肥，一日食一餐，攞埋飯盒嘅好處係唔使使錢！」原來小方已與邵氏約滿，他說：「不過《美》劇係佢哋幫我接，大家關係仲好好。（有冇諗過再簽經理人公司？ ）自己做住先啦，依家咁嘅環境，簽約都講唔到錢，最緊要有機會。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
