譚俊彥男神廚房賀胡楓 見黃智雯零尷尬 高海寧易角當飯食

無綫炮製的節目《人生90好楓Show》前晚在電視城錄影，壽星修哥穿着一身粉紅色西裝，春風滿面，見到眾星在場大表驚喜，齊齊切壽桃形狀蛋糕。他稱事前不知道節目安排，感謝TVB送他一個富紀念性的節目，四代同堂的他有4名曾孫攬實合照，畫面溫馨。提到9月開紅館騷，他表示不好意思再麻煩契仔契女，嘉賓會由主辦方邀請，並透露契仔張學友有致電問候：「有通電話。（有冇同你講佢近日因為短片風波而唔開心？）佢冇講，佢好少講嘢，我哋講笑就有，其他嘢少講。」1月生日的他又透露公司原本在酒店訂了20圍酒席擺大壽，惟疫情關係一拖再拖，故延遲半年才舉行。

節目中，譚俊彥上演「男神廚房」下廚煮麵，高Ling與阮兆祥演繹一幕《好聲好氣》，智雯則與16位小朋友合唱《陪着你走》。提到智雯執二攤頂替高Ling演出內地劇《隱娘》，高Ling表示不會尷尬：「換角色係經常發生，自己唔知來龍去脈。（因為檔期未能演出？）唔清楚，唔知道角色本來係我，睇新聞先知。」而智雯稱當時她們都身在橫店，但沒時間見面：「我一早就知要拍《隱娘》，多謝《隱門》劇組配合，趕晒自己嘅戲份，先可以返內地拍。」

同場歌手鄭俊弘上月升呢做爸爸，他感激媽媽及外父外母幫忙湊B，讓他可安心拍劇。他指BB眼大大，與太太何雁詩十足餅印，直言想再生多個，但會尊重太太。他又指兒子有好多契媽，陳瀅更是「首席契媽」！