高海寧疑遭胸襲懵豬張振朗冇Feel

高海寧與張振朗昨日宣傳新劇，手翹手玩遊戲期間，振朗疑似不小心「頂撞」到對方的「咪咪」，事後雙方均表示未有察覺，高海寧大方說：「我哋實在太單純。」而振朗亦話冇Feel。

無綫新劇《童時愛上你》演員高海寧（高Ling）、張振朗、楊卓娜等，昨日在將軍澳電視城宣傳，一身綠色露肩裝的高Ling，與振朗手翹手玩遊戲時相當投入，期間振朗的手㬹疑似「頂撞」到她的「咪咪」，事後高Ling受訪時對此顯得茫然，笑說：「冇留意，我哋實在太單純。」振朗亦揚言「冇Feel」：「完全冇諗呢啲嘢。」

傾續約獲加人工

《童》劇首周錄得14.5點收視，口碑不俗，高Ling表示一向沒留意收視，但朋友、市民覺得看得很輕鬆，更為她開拓小朋友市場。談及最近在社交網發布露背相，網民猜測她對續約無綫有所暗示，她笑說：「我冇咁高深，嗰啲係《童》嘅劇本嚟，續約依家仲傾緊，公司畀咗啲Offer我，亦都有加人工。」對於無綫與內地紫荊文化加強合作，可希望增加內地工作？她說：「係好事嚟，會多咗合拍劇機會。」

振朗則指工作要待公司安排，又笑言早前到內地工作，普通話已有進步，有信心比「港普教父」黎諾懿好。對於新劇《靈戲逼人》拍檔龔嘉欣確診新冠肺炎，他說：「等佢休息吓，依家開工前每日都會做快速檢測。」