何珮瑜反叛剃眉 同男人爭食

Jeana受訪時坦言當日見到髮型師將其秀髮愈剪愈短，不禁又喊又笑：「讀書就開始留長頭髮，唔經唔覺Keep咗20年，突然剪到咁短，睇唔慣自己個樣，有男性朋友話我個Look係同佢哋爭食！」片中她與影帝劉青雲演父女，雙方關係由有誤會到最後和好，情緒起伏甚大，Jeana直言感觸到落淚：「真係起晒雞皮，淨係睇佢對眼就自然入到戲，同埋我發現青雲哥有樣嘢好勁，就係拍攝3個月以嚟，未見過佢拎手機出嚟，全程好專注角色，我係凡人，學唔到。」

除了《神》片，Jeana亦有參演靈異片《電子靈》，飾演韓國女團成員的她因自尋短見變成怨靈，由於妝頭都甚有古裝Feel，所以她經過化妝間亦不敢望鏡。