「金牌媒人」Bob日日問進度 胡定欣被Chur爆 開條件求穩重型

無綫電視昨日與內地紫荊文化集團簽約，日後成為戰略性夥伴，於劇集、綜藝及人才培訓等各方面通力合作。儀式上除了無綫電視主席許濤及總經理（節目內容營運）曾志偉出席外，一眾小生花旦包括譚俊彥、馬國明、胡定欣、黎諾懿、陳山聰、林夏薇、黃智雯、港姐冠軍宋宛穎及邵初等現身撐場，場面熱鬧。

定欣自爆早前接受40多分鐘普通話訪問時心情緊張，提到好友Bob不斷為她物色筍盤，記者提議應該找一位能操流利普通話的男友，她即爽快表示：「呢個方法都唔錯。Bob差唔多每日都關心我，我就同佢講感情事唔好亂嚟、唔好太Chur，否則物極必反。（如果有啱嘅，你會出去赴約？）我都係人啫，都係嗰句，最緊要合適。（擇偶有咩要求？）最好似Bob咁顧家，同埋事業成功嘅穩重型。」

至於出名是「港普教父」的黎諾懿，普通話程度令人忍俊不禁，問他可有信心成為雙語藝人，配合公司的業務發展？他笑說：「大家點解唔信我？其實我喺內地有好大發展空間，因為冇演員好似我普通話咁差仍然不斷講，我覺得自己直情可以橫掃內地！」之前傳確診的他，再次澄清由始至終都未有染疫：「我哋係有工作人員中招，但個幾禮拜之前我哋已經復拍。」至於腳傷初愈的邵初，透露昨日再穿高跟鞋，依然有少許痛。

曾志偉透露因無綫下半年忙於籌辦及舉行港姐、台慶等大型活動，故相信與「紫荊」最快明年才啟動首個合作方案，說到人才培訓，他說：「我哋希望培養出雙語發展嘅藝人，今年藝訓班已經開始招攬內地新人，取錄嘅話佢哋會用zoom上堂。」