做首席主持 自問夠資深 宋熙年收開心價：多少少係正常

由宋熙年、林希靈、黃愷怡等無綫舊將、過檔香港開電視主持新節目《一線搜查》，昨日舉行拜神儀式，同場還有丘靜雯、梁皓恩、簡采恩及林靜莉共7主持一起現身。自離開《東張西望》後，宋熙年已兩年多沒擔任資訊節目主持，笑言今次是以開心價加盟：「我都做咗一段長時間，多少少都係正常，呢邊嘅時間好彈性，老公陳智燊啱啱喺英國返港，八月底我哋全家去澳洲旅行。」

談到節目與《東張西望》打對台，她說：「我有諗過呢個問題，但其實係開心事，有更多唔同嘅電視台良性競爭先能夠百花齊放。我哋嘅節目係8點先播，壓力更大，希望觀眾唔好比較。」雖然她以錄影廠主持工作為主，但有適合題材也會配合出外景採訪。而有線新聞高層關慧玲表示該節目非對撼《東張》，也不是前無綫高層余詠珊製作的節目。

前「東張女神」林希靈重回主播界，將負責廠景主持，跟之前出外採訪的模式不同，可想變為「一線女神」？她說：「希望做到，開闢一片天。」她不怕觀眾會將兩台節目比較，覺得有比較才有進步。12月結婚的她指未婚夫更忙，她只收到婚戒，因結婚事繁多，已交經理人全權代辦。