處男作演得投入 姜濤戲如人生 外賣仔出頭

姜濤、Jer（柳應廷）及影后毛舜筠演出的英皇電影《阿媽有咗第二個》，除了入圍第十七屆大阪亞洲電影節競賽項目、第十四季芝加哥亞洲躍動電影節中榮獲觀眾票選獎（Audience Choice Award）、入選紐約亞洲電影節「Hong Kong Panorama」單元、獲邀於新加坡《2022香港電影：全新世代》作特選放映，最近更於2022台北電影節登場，門票開賣已被秒殺，而本港則定於下月11日上映。

首度闖影壇的姜濤號召力強勁，對於為何選該片作為首部作品，他表示當初獲悉導演彭秀慧下部作品有意拍攝關於外賣仔變成明星的故事，認為與自身經歷相似，沒想到最終有幸參與其中：「我都曾經做過外賣仔，呢個角色令我有種回到過去嘅感覺，第一日開工有莫名嘅親切感，最大共鳴就係喺茶餐廳開工嗰段戲，明白做飲食業有幾辛苦。」對於現實中的他如角色般搖身一變成為萬人迷，問到演繹時會否挑戰性大減？他說：「我又唔覺得！第一次拍戲想演得更有說服力，所以想演同自己相近嘅角色，易啲投入，甚至比其他人代入感仲強！」同樣首次現身大銀幕的Jer，以29歲之齡演18歲中學生角色，他一臉自信：「我都算天生童顏，再轉埋髮型，好似變番以前個樣！」

與兩位影壇新人大演對手戲，毛舜筠卻表示有壓力：「我好驚自己為角色諗得太多，過分豐富做出好多表情，然後佢哋簡簡單單去演，就已經殺個你片甲不留！所以我要提醒自己，仔細觀察對手點樣演，而唔單係預先設計嘅個人表演！」此外，本報日前率先爆「叱咤」邀得MIRROR及ERROR於9月在亞博舉行籃球賽，昨日有關單位證實有關賽事，並宣布參與藝人名單，除了兩隊男團，還有張敬軒、張繼聰、方力申等，相信又將掀起搶飛潮。