「情侶裝」露背搶Fo 周嘉洛恨睇陳瀅性感一面

陳瀅、周嘉洛、張頴康及連詩雅等前晚以嘉賓身份錄影節目《開心無敵獎門人》，現場招待430位觀眾，張頴康太太麥雅緻帶同兒子張迅橋（小花生）等到場撐老公，錄影前小花生被「獎門人」曾志偉揀選玩遊戲，他全程不怕陌生，志偉送禮物給他時問及家庭成員，小花生搞笑答：「有一個爸爸，兩個媽媽。」全場起哄！

陳瀅與周嘉洛一直否認戀情，但前晚齊以「黑色衫情侶裝」現身，陳瀅更大露背上陣，嘉洛拖張頴康落水，指對方亦穿黑衣。談到新劇《寵愛Pet Pet》因監製陳耀全確診停廠兩日，有份參演該劇的周嘉洛曾於第五波疫情時中招，記者笑指他「安全」，他靦腆答：「康復至今都差唔多3個月，唔清楚仲有冇抗體，都要小心。」

陳瀅近日忙於拍攝新劇《美麗戰場》，其中涉及選美情節，問到她可需泳裝上陣？她說：「會有好緊嘅運動衫，即係背心露背加短褲。」記者笑問周嘉洛可有見過陳瀅這麼性感的一面？他爽快說：「仲未有機會，有機會當然想睇吓。」而陳瀅入行前曾被長輩提議參選港姐：「我比較怕醜同埋靜，冇試。我哋今次嘅劇情充滿咗勾心鬥角，唔知現實生活真定假，拍檔蔡嘉欣話冇喎。」

連詩雅公布婚訊後頻被稱呼為「陳太」，她笑言對這個稱號尚未習慣。有指未婚夫陳家樂將北上搵老婆本，她說：「據我所知仲有啲嘢傾緊，我哋好信邪，如果未正式落實，就唔想公布住。」對於陳家樂不時於社交網留言叫她增肥，她冧爆說：「佢嘅意思係想我健康啲啫，我身邊嘅人都覺得我用啲唔健康嘅方法keep fit，我平時食得好少，要上鏡嘛。（你覺得家樂身材點？）佢梗係fit啦。（佢肥仔你都收貨？）佢做呢行，都唔會畀自己太肥，況且佢係（運動）勤力寶寶。」