喪父受打擊 患妄想症 MGK圖吞槍自殺 嚇窒美瑾

《粉紅搖滾》日前在美國加州舉行首映禮，MGK與影星未婚妻美瑾霍絲（Megan Fox）拍拖出席，美瑾配合片名以粉紅色性感造型谷胸示人。片中MGK自爆兩年前曾企圖自殺，指當時不堪父親離世的打擊，患上情緒病，他憶述當時情況：「美瑾當時去咗保加利亞拍戲，而我開始患上嚴重嘅妄想症，我不停妄想有人會嚟殺我，所以放霰彈槍喺張床隔籬。有日我突然癲X咗，打畀美瑾埋怨佢唔喺度安慰我。我當時喺房內，將支槍放入口，仲喺電話度大吵大鬧。我有掹雞但粒子彈卡住咗，令我死唔去！美瑾嚇到冇聲出。」他感恩在人生最低落的時期，有美瑾的支持陪伴，助他克服情緒病：「美瑾成為我嘅陽光，畀到我生命，同埋協助我成長。」

另外，MGK上月在《Billboard音樂獎》以「妻子」來稱呼美瑾，令人懷疑他們已秘密結婚。美瑾日前受訪時首度回應「婚訊」，她否認已婚，指時機成熟時就會拉埋天窗。MGK與美瑾今年一月宣布訂婚，當時她更指禮成後會互喝對方的血，上月曾傳他們已進入籌備婚禮的最後階段，當時有指他們希望舉行一個黑暗、性感且非常搖滾的婚禮。