黃子恆耳石移位暈陀陀 黃智雯Chill住煞科 遇「水鬼」纏身

黃智雯與黃子恆昨日在西貢為無綫新劇《隱門》拍攝落水煞科戲，智雯以潛水衣包到冚，大殺風景，至於子恆以水鬼造型示人，相當嚇人！奇情劇情講到智雯教女兒游水，被已死去變成鬼的老公子恆威脅傷害女兒，2人在泳池發生爭執。

劇集因疫情影響，由去年底拍攝至昨日才煞科，由內地拍攝《隱娘》回港補拍戲份的智雯笑說：「今日拍度蜜月嘅回憶戲，感覺非常Chill，好有度假感覺，希望拍完都可以休息。」不諳泳術的她指劇集有很多落水戲：「我盡量親身上陣，有場落海戲都係自己嚟，趁夏天可以Enjoy吓。」她笑言有學過游泳，但每當雙腳觸不及地面就驚驚，對水有恐懼，但與朋友出海玩則不會推卻，只是會穿上救生衣。雖然畏水，但她指這場泳池戲是劇中最舒服的一場戲，因劇情沉重又燒腦，角色經常崩潰，拍攝時非常緊張，不敢輕易放鬆，絕對是挑戰。

而子恆以水鬼造型開工，透露劇中有不少遇溺場面，他與智雯飾演另類夫妻，生前死後都欺負對方。劇集拍攝時間相當長，為落水戲騷Body的他一直保持身形，至近期因耳石移位，有頭暈情況才停止運動：「呢兩個禮拜個頭移去某個角度就會頭暈，以前都試過，但係近排拍緊3套劇，未有時間睇醫生。」