嘆美國女性不受憲法保護 愛爾蘭寶雲自爆遭迷姦 捍衞墮胎權

美國聯邦最高法院早前推翻「羅訴韋德案」裁決，女性墮胎權不再受憲法保護，引發激烈爭議。艾力與美國女星前妻金碧辛嘉（Kim Basinger）所生的模特兒女兒愛爾蘭，於社交網站拍片剖白，自爆少女時期有一次在完全失去知覺的狀態下被姦，她沒有告訴當時男友或父母，只有治療她的護士知道。

她為此事承受痛苦多年，酗酒、爛蒲兼濫藥，又發展傷害性的愛情與友情關係，她表示：「睇到咁多勇敢嘅女性分享自己故事，我就喺度諗如果我因姦成孕，要喺人生嗰段時間養育小朋友會點！記住，我有醫療資源、金錢同支援，但好多女性都冇，對佢哋嚟講係好大創傷同做唔到。」

她又透露其後為一個相處不合的男友而懷孕：「嗰時我哋好唔開心，佢亦講得好清楚唔想要小朋友或婚姻，佢連認真拍拖都唔係好想。」最後她選擇墮胎：「我可唔可以生佢出嚟後等人領養？可能得，可能唔得。選擇養育一個BB，但唔畀佢經濟保障，冇愛同支持嘅伴侶照顧，我接受唔到。我揀咗自己，再一次選擇亦都會揀自己。呢個係你嘅人生，你嘅選擇。」

另外，美國天后麥當娜（Madonna）亦批評裁決，指美國女性權利連槍械也不如。而美國樂隊Green Day主音Billie Joe Armstrong日前於英國倫敦開騷時，爆粗大鬧裁決，憤而宣布將放棄美國公民身份，搬到英國定居。