一直冇獎攞續約要傾傾高海寧純情飛Bra 張振朗唔敢起痰

高海寧昨日宣傳新劇，自爆劇中一場冇Bra戲嚇窒對手張振朗，但揚言打足底。對於被指跟無綫完約後全力北上發展，她表示仍在洽談條件中，但承認面對人生交叉點，要深思熟慮。

由內地返港的高海寧（高Ling）完成隔離後出關，昨日偕張振朗、袁文傑等出席無綫新劇《童時愛上你》宣傳活動，她表示角色雖只有8歲智商，但也有「性感」演出：「有幕講我冇戴Bra，着住件白Tee走出嚟，嚇親同屋嘅張振朗，但事實上我當然有打底啦！（有冇親熱戲？）我得8歲智商，係好純潔嘅愛。」身旁的振朗即笑說：「我唔搞𡃁妹！」

今次是2人首度合作，高Ling爆振朗會私下度對白及爆肚，令她感覺猶如考試，振朗解釋：「我鍾意度一、兩句好感人嘅對白，喺重要場口講出嚟，對方先有真實反應，呢個係演唔到，令成件事更好。」高Ling補充指振朗的爆肚令她有更好發揮，眼淚會自然流出來。

談及與無綫的合約問題，高Ling表示仍在洽談中：「好多嘢可以合作得更好，公司好有誠意，而且一直以來合作得好開心。（續約成數高唔高？）傾吓條件。（加薪？）公司有。（想有獎項？）咁耐以嚟一個獎都冇，好明顯我冇做過（換獎）呢件事，攞獎係睇天時地利人和，角色獲觀眾認可重要啲。」又強調還未約滿。

樂意開拓內地市場

有傳她打算主力開拓內地市場，她坦言：「有機會打開另一個市場唔係壞事，可以試多啲新製作，而且今次喺內地拍綜藝節目學到好多嘢。」問有否其他公司招手？她未有正面回應：「事關我嘅前途，我要諗清楚，都係面對人生交叉點。」

至於袁文傑在劇中要大鬧胡楓，是他入行以來最大聲一次，事後也有向對方道歉。他又笑言跟飾演太太的尹詩沛有不少床戲，因經常在床上商量爭產。