踩炎明熹場飆高音 糖妹恐慌性心跳

無綫熱播的歌唱真人騷《聲生不息》，新一集取消PK環節，安排一眾歌手安坐台下與觀眾睇騷，又加插健身操環節，眾人在李玟（Coco）帶領下做出提腿、揮拳及扭臀等動作，當中曾比特（Mike）受外披的西裝外套拖累，所有動作也論論盡盡，非常爆笑；而嘉賓譚詠麟與那英帶領全場合唱《東方之珠》。

首度登上《聲生不息》舞台的糖妹，偕炎明熹及安崎合唱《我的驕傲》，3人全白打扮，被形容似天使，一開始已晒冷鬥飆高音，全場掌聲如雷！至於葉蒨文與單依純合唱《愛是永恒》，雖然年齡相差39年，但單依純零怯場，發揮超水準。

事後糖妹大讚舞台震撼：「綵排時感覺到自己心跳聲嗰種緊張囉！」難得與樂壇前輩林子祥、葉蒨文、楊千嬅、Coco同場，她落台後依然有恐慌的心跳，李克勤體貼地走過來說：「係咪好驚呀？唔知點解嚟呢個舞台，好多歌手都好驚㗎！」糖妹又大讚炎明熹：「我一路都好留意佢，行程好緊急，佢仲要一路讀書，又可以承擔到壓力，真係好叻！最緊要佢真係好乖、好有禮貌，我會留意同支持佢之後每首歌。」

她又特別感謝安崎相助，原來她帶去的鞋，高度未能撐起禮服，當她煩惱之際，安崎主動借鞋給她：「Size啱啱好，真係好Sweet！」