昔日東方未來老婆落Order 黃嘉樂趕操6舊腹肌
藝人陳偉洪與友人合資7位數字開設健身室，昨日舉行開幕儀式，圈中多位好兄弟拉隊支持，包括黃嘉樂、許家傑、林子善、周志文與翟威廉等，楊梓菁亦身穿背心仔到賀。陳偉洪表示一眾「肌友」已一起操肌多年，許家傑笑說：「好肌㗎我哋！哈哈！」
黃嘉樂透露陳偉洪曾是其健身教練：「佢成日督促住我，又問我有冇亂食嘢。」將於8月拉埋天窗的他近日忙拍劇，問有否時間操練，務求以最佳狀態做老襯？他說：「仲有個零月，可以改變好多嘢。（未來老婆對你身材有冇要求？）佢要求我保持6舊腹肌狀態，但暫時得一舊，哈哈！」又指7至8人兄弟團已組成，但講明工作為先：「若果到時突然有工作，同我講聲就得，搵錢緊要。」
首度創業的陳偉洪緊張到失眠，揚言以攞經驗為主，未有想過何時回本，他又讚黃嘉樂為人自律，有信心他可如期操出腹肌。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
