龔嘉欣攞正牌做為食鬼 張振朗香燭店撞邪？ 耳機傳女聲

藝人張振朗、龔嘉欣、劉穎鏇、蔚雨芯、魯振順、李成昌和謝雪心等，昨日為新劇《靈戲逼人》（暫名）開鏡拜神，飾演女鬼的嘉欣跟振朗上演人鬼情未了，近日開工拍通宵戲，嘉欣戲裏戲外都很為食，經常吃消夜，笑言擔心變「肥鬼」：「忍唔住口，夜晚食嘢先有能量，試過唔食消夜就頭暈。」她透露角色搞笑成分居多，例如要趴地聞香，又撞防護網反彈跌落地。而自認「地獄黑仔王」易招惹靈體的張振朗，表示在香燭店取景時毛管戙，並說：「我用藍牙耳機同嘉欣聯繫，但耳機傳出一把女人聲，過一陣又講多次哈囉，原來係開機模式，係誤會。」

另外，2人劇中各有挑戰，分別要彈琴和唱粵曲，振朗笑言全靠死背，於1星期內學會彈奏《La La Land》一首歌曲，而嘉欣之前練唱《鳳閣恩仇未了情》卻唱到走音，表示想請蓋鳴暉指教。

至於飾演張振朗女友的蔚雨芯，透露首日開工2人便要拍Goodbye Kiss戲，尷尬到面紅：「因為同振朗唔熟，之後我同李日朗會有床戲，預咗尷尬，都會豁出去演。」提到開劇前入廟求平安，她表示年前跟女星林明禎到台灣拍戲，曾到火葬場取景，拍完返酒店，在床上紮醒卻全身動彈不得：「見到有隻搽咗紅指甲嘅手，床尾伸上嚟抓咗我3下，但我冇感覺，因為嚇呆咗！」