逾10米高跳下 霆鋒眼角受傷留疤

謝霆鋒、郭富城、倪晨曦、Tyson Yoshi和袁澧林等，前晚到中環出席時尚活動。戴黑超的霆鋒透露3星期前拍電影《海關戰線》時，不慎弄傷眼角，當時從10多米高跳下地面的軟墊，因試位時忘記除眼鏡，落地時被眼鏡弄傷，他承認疏忽大意，慶幸沒阻礙拍攝：「動作演員係咁，但唔想影響日後工作，媽咪（狄波拉）知我受傷，今次輕視咗，以後會更小心。」

穿恤衫的霆鋒心口「脹卜卜」，他笑言拍得打戲多，自然練出胸肌，但因自己為食，腹肌只能維持1星期。對於有傳他將舉行演唱會，他坦言2年前曾入紙申請紅館開騷：「可能冇緣分。（疫情持續都唔開演唱會？）啋！唔想有太多不定因素，自己對舞台有要求，希望有新創作同有氣氛。」他透露7月到北京拍電影，問到是否不捨得女友王菲？他笑言是工作安排。

而郭富城開心透露於剛過去的父親節，收到兩女做的手工簿禮物。他笑言4歲大女似他有衣着品味，又鍾意唱歌和愛運動，至於細女則像太太方媛，並透露活動後要趕拍新戲《內幕》。同場的倪晨曦現懷胎4個月，她透露今胎妊娠反應大，以致頭暈及嘔吐不止，不過一開工就沒有不適，十分神奇。

晚會即將結束之際，久未露面的張曼玉以特別嘉賓身份驚喜出現，大晒蛇腰化身DJ打碟，興奮得不斷揮手及畀Like，令現場嘉賓投入於音樂之中。