昔日東方恐爆亞視晚宴群組 陳綺明陳欣欣輪流染疫
近日本地疫情反彈，每日確診逾千宗！亞視劇集《國際刑警1997》於上周三舉行的晚宴，黎淑賢、盧惠光、陳欣欣、陳綺明、關禮傑等數十台前幕後出席，沒料狂歡過後，欣欣、綺明等5人先後「中招」，據知晚宴翌日，綺明身邊朋友告知確診，當她快測後亦同樣染疫。她昨日受訪時大表無奈，指每次參加活動前均會做快測才外出，活動期間也沒有任何不適，至翌晚開始喉嚨痛便心知不妙，幸平日有進食補充品，故症狀不算嚴重，也沒有發燒，只是比較疲倦：「最辛苦係安排嘅工作會議同埋打Golf全部都要取消，有逐個朋友通知，叫佢哋小心同密啲做快測，真係唔好意思。」
關禮傑病毒不侵
與綺明同枱的陳欣欣則透露正於家中隔離，指活動後3日才發病，發病首兩天最辛苦，喉嚨及頭很痛：「好似畀人打咗一身咁，咩都唔想做，到過咗2日就舒服好多，本身呢排忙緊主持開電視體育節目，依家就搵同事頂住先，預計下月1日復工。」而黎淑賢就表示有聽聞晚宴上有人確診，雖然自己安然無恙，但安全起見，近日亦開始自我隔離，同時亦每日跟進兒子們的快測結果，證實安全才放下心頭大石，她說：「當晚我坐綺明旁邊，可能佢成晚滿場飛好少埋位，所以我冇事！」至於亦是座上客的關禮傑，就表示上月確診過，體內已有抗體，故今次未受感染。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
