被陳山聰咬唇戲刪走譚俊彥：唔好嚇親觀眾

陳山聰再度挑戰極限，繼之前全裸上陣拍劇後，今次再以驚嚇女裝造型示人，當中有一場他向譚俊彥咬唇的戲份，由於情節太激，播出時被刪剪了，不過這個「驚嚇鏡頭」最終亦得以於網上曝光。

由譚俊彥、陳山聰、譚凱琪、趙希洛擔演的無綫劇集《十八年後的終極告白2.0》劇情愈來愈緊湊，由譚凱琪被殺開始，身邊每個人都極有可疑，原來最終的Big Boss竟是陳山聰。前晚一集中，山聰以金髮艷女look示人，而譚凱琪被殺當晚，兇手正是與他一樣打扮。當中，有一場他錫譚俊彥嘴唇的戲份由於尺度問題，最後播出時被刪剪了。

對於要女裝上陣，山聰受訪時謂：「我第一樣嘢唔係抗拒，而係同監製傾點樣做靚個角色，因為如果醜化咗，觀眾就會好抗拒，所以專登搵咗自己嘅化妝師去設計呢個造型。」說到向Shaun的咬唇戲份被刪，山聰說：「因為場戲都有啲激，同埋好多原因，唔能夠出街，拍攝時我真係咬落Shaun個嘴度，佢都話真係愛上我，今次都要多得阿Shaun肯同我玩。」而Shaun亦謂：「因為大家都係做得好實在，出嚟嘅畫面太震撼，係會有爭議性，依家刪咗都未嘗係壞事，唔好嚇親電視觀眾。」

趙希洛赤腳狂奔

而前晚一集繼續大撒鹽花，趙希洛與何啟南上演車震戲，之後她於路上慌不擇路，希洛受訪時表示最難的是要赤腳：「拍嘅時候有諗過黐啲嘢喺腳板，但後來發現黐咗都冇用，都係會甩，所以最後真係赤腳跑，好彩拍嗰時練緊跑步。」