開電視熱播 同舟人有共鳴 胡杏兒李治廷獅子山下並肩 演活香港人精神

《獅子山下的故事》現正於免費電視77台香港開電視熱播中，該劇實力演員及年輕偶像雲集，包括視后胡杏兒、影帝謝君豪、周柏豪、陳家樂、李治廷等，幕後團隊則有金牌編劇陳寶華擔任總編劇，監製則是著名製作人李國立，分量十足！

劇集以1984年至今香港大事件作為背景，重塑昔日香港情懷，並且呈現獅子山下的精神。胡杏兒飾演內地出生的女子梁歡，於80年代與女兒到香港和丈夫團聚，豈料丈夫突遇意外身亡，令她要獨力經營亡夫的茶餐廳，猶幸得到丈夫生前一班好友及茶餐廳員工互相扶持，一起迎難而上，同舟共濟。劇中經歷了金融海嘯、沙士及雷曼風暴等大事件，由於拍攝跨年代背景，當然甚具難度，並且要跟時間競賽，總編劇陳寶華日前受訪時表示：「我舊年4、5月收到呢個工作，今年7月1日前要播，最遲舊年11月要拍，製作劇本時間半年都冇，真係好大考驗。」

擅於撰寫社會小人物及女性自強故事的陳寶華，面對緊湊的製作前期亦面無懼色。前期工作由劇本與搵演員都一絲不苟，談到女主角胡杏兒，陳寶華表示：「呢個角色本來想搵一個內地女星去演，但始終冇喺香港成長過，就只可以『演』，因為角色由18歲演到65歲，係有一定嘅難度，咁啱李國立睇到內地節目《演員請就位2》覺得杏兒好好，佢亦係一個好喜歡演戲嘅女演員，佢係『戲』緊要過一切，唯一要爭取係帶三阿哥（杏兒細仔李奕宏）返工。小朋友好可愛，喺片場好受歡迎。」

談到周柏豪、李治廷及陳家樂等演員，陳寶華指他們都非常適合角色設定，她說：「家樂好適合演劇中嘅角色，讀書好叻但單純，家樂有嗰種感覺；周柏豪亦一樣，我同佢喺《多功能老婆》合作過，佢有種街童嘅味道，角色嘅學歷唔高，但好保護屋企人；李治廷係家樂嘅細佬，係金融界專才，天生自信，有皇者之風，治廷掌握得好好，我覺得亦係咁多個年輕演員入面做得最好嘅。同埋呢班喺劇入面做新生代，各有唔同嘅家庭背景，以及唔同人生經歷，但去到最後都各自視對方為屋企人，互相守護，都係呈現咗一種香港人精神。」

播映頻道：免費電視77台香港開電視

播映日期：逢星期一至五

播映時間：晚上9:30-10:30