胡曦文忙到甩轆 唔驚影響婚期

名媛胡曦文（Christy）昨日於中環為自家品牌「Crisathena」舉行展覽會，好友溫碧霞和伍詠薇等到場支持。Christy表示為展覽花逾8位數字，出動私伙傢俬布置，期間發生小插曲：「全日搞布置，到夜晚發現啲宣傳紙板唔見咗。」她翻看酒店CCTV後，發現鄰房工作人員誤將物件拿走：「好彩最後追得番，因為冇時間再印。」她透露明年推出自家鑽石首飾，亦籌備於法國開新店，問到如此忙碌，會否影響婚期？她說：「真正嘅愛係唔會畀呢啲嘢影響，有冇結婚證書其實冇關係。（唔擔心男友走咗去？）佢驚我走多啲，哈哈！」