神秘人投「FYY」車牌馮盈盈唔認收禮物幻想畀人騎

正式「解凍」投入工作的馮盈盈，對於日前有人以逾5萬元投得「FYY」車牌，盈盈否認有人暗中送她生日禮物，更幽默表示：「如果車牌用喺電單車，咁咪畀人騎住我？」

前港姐冠軍馮盈盈入行後是非不絕，與醫生男友分手後，即跟鄭衍峰及方力申傳緋聞，之前更被公司雪藏，早前才正式「復出」，近日擔任無綫節目《好聲好戲》主持。

正當趕走衰氣、好運來臨之際，「蜜運」又似歸來！日前有人花5.6萬港元投得自訂車牌「FYY」，碰巧盈盈本月10日生日，惹來神秘人投給她作生日禮物的揣測。不過盈盈受訪時表示，早已獲朋友告知此事，指這個車牌不屬於她，亦不是家人或朋友投得，更搞笑表示：「冇人送畀我喎！如果將個車牌用喺電單車度，咁咪畀人騎住我？」

李佳芯接受批評

前晚盈盈與李佳芯、阮兆祥錄影《好聲好戲》，盈盈表示做主持輕鬆得多：「上次做參賽者我永遠活喺自己世界，不停掛住練習。」經常做綜藝節目的她被問有否想過成為「最佳節目主持」？她說：「絕對冇諗過，知道自己仲爭好多，不過近排多咗機會練習同學習。」還笑言要拜阮兆祥為師，學習搞爛Gag。

至於參與配音環節的李佳芯透露有陰影，前輩龍天生十多年前找她為搶婚戲配音，嗌到聲嘶力竭：「覺得好難同成日NG，覺得自己做得唔好。」希望藉今次機會學好配音。問到會否擔心被批評？她說：「都唔係第一日做呢行，企得喺度就預咗畀人話，情願大家講真說話，我想進步。」她坦言雖然暫時冇劇拍，但工作不斷：「我一直有讀關於情緒上嘅課程，發覺身邊好多人都有情緒困擾，做我哋呢行好容易被工作、生活同屋企影響情緒。」