姚焯菲疑情竇初開炎明熹釋休學疑雲預告返港有期

「聲夢小花」炎明熹今年3月赴內地參加《聲生不息》，不經不覺間離港已3個多月，令人關注其學業問題。昨日她開Live透露每日都有上網課，澄清沒有休學。至於另一聲夢小花姚焯菲近日爆戀事，疑戴情侶手繩低調晒愛！

炎明熹（Gigi）憑無綫與內地芒果TV合辦的歌唱節目《聲生不息》人氣急升，自4月開播以來，在內地的知名度日增，短短數月間，其社交網粉絲人數已攀升至逾56萬人。

靠朋友直播課堂

現年17歲的Gigi在港讀書，自3月離港往內地發展後，外界就一直關注其學業狀況，日前她完成工作後在酒店開Live，釋除休學疑雲：「其實大家每日返學，我都要返，只係我以網課形式上堂，今日先畫完畫，但我未完成就要交，真係好遺憾。」對於同時兼顧工作及學業，她說：「暫時都可以，朝早就返學上網課，有兩個朋友為我拎住iPad走嚟走去，真係非常辛苦，有時我係放學後再去工作。」一眾歌迷都很關心其歸期，她就大賣關子：「幾時返香港？唔話畀你哋知，不過你哋好快就會知道！」似乎快將回港。

戴情侶手繩洩蜜

至於另一聲夢小花、「國民初戀」姚焯菲（Chantel）昨日傳拍拖，有讀者爆料指15歲的Chantel跟一位男伴經常出雙入對，Chantel與他合照，又佩戴同款情侶手繩疑洩蜜。該男生與Chantel年紀相若，打扮新潮、頭髮輕鬈，有時會戴眼鏡，與Chantel的外形頗為合襯。