生日Staycation勁蝦碌 Hillary爆洪卓立行外父政策

Hillary昨日出席活動，談及男友的悉心安排，她冧爆說：「好蝦碌就真，我做完嘢趕到酒店，發現佢仲布置緊，但以佢嘅性格，肯咁做已經好感動，於是我咪幫手囉！都未試過自己生日自己布置！」又爆男友見家長時非常「識做」：「佢好識投其所好，雖然唔好杯中物，但知我屋企人鍾意都上網研究，然後買畀佢。（好識行外父政策？）又唔係嘅，佢對我朋友都好好。」對於洪卓立表示希望旅行結婚，她亦認同：「我都鍾意旅行結婚，尤其係我哋都鍾意日本同埋食嘢，但做吓嘢先啦！（佢話儲緊老婆本。）我都儲緊錢養自己，但佢能夠為自己同我哋嘅將來，我都好開心。」