赴馬國執行另類「任務」譚俊彥拉隊拆蟹簡淑兒離巢冇份

譚俊彥飛到馬來西亞，為當地首次舉辦的《聲夢傳奇2》擔任評判及表演嘉賓作準備。除了拍攝及做訪問外，最大「任務」是品嘗當地美食，與拍檔齊齊食燒雞翼及胡椒蟹。至於本來有份隨行的簡淑兒，突然宣布離開無綫！

無綫節目《聲夢傳奇2》現正熱播中，無綫「升級」舉辦馬來西亞版《聲夢2》。早前表示專程到當地撐場的視帝譚俊彥（Shaun）、周志康、上屆《聲夢》學員文凱婷、何晉樂（Rock）及擔任司儀的崔建邦已抵達當地。據知，Shaun除了會表演外，更會擔任評判，選出優秀參賽者。

曾揚言去到馬國一定「擦餐勁」的他們，抵埗後即到著名食肆，品嘗地道燒雞翼、胡椒蟹及串燒等，更到阿羅街夜市拍攝，Shaun受訪時表示：「我哋到咗兩日，接受當地好多傳媒訪問。今次我除咗做評判，佢哋想我彈結他唱歌，我揀咗《Wonderful Tonight》，希望到時同參賽者一齊感受舞台，發掘吓呢邊有潛質嘅新人。」

孭飛劇收視升

至於本來有份同行的簡淑兒，昨日突然在社交平台宣布離開無綫：「曾經有一份執着，好想喺度做到啲成績出嚟，去到有一刻，發覺自己唔想再活喺一個框框入面，慢慢咁失去自己嘅價值，之後仲有好長嘅路，我會繼續努力。」

另外，無綫昨日公布上周收視，劇集方面全面上升！由Shaun主演的《十八年後的終極告白2.0》收視由之前的14.7點升至16.1點，相信結局篇收視定必再升。而《愛．回家之開心速遞》及《尚食》收視分別有21.8點及19.3點，成績不俗。