憶14歲孭起頭家 陳敏之搭車被非禮

藝人陳敏之早前與伍詠薇及陳山聰接受無綫節目《諸朋好友》最後一集訪問，敏之於節目內大爆「不快童年事」，她說：「我14歲開始孭起頭家，當時父母失業，我出嚟拍廣告，所有收入除咗日用都交晒畀媽咪，我每日3餐都食漢堡包。當時成日畀老師話我發明星夢！又試過有次攞住大袋嘢搭港鐵去試鏡，喺車度畀人摸pat pat，當時我大叫邊個摸我，嚇到其他人全部退後，我忍唔住喊咗出嚟，抹咗淚就繼續趕去工作！」對於目前擁有幸福家庭，敏之坦言因為過往的經歷，令她明白幸福得來不易，家人對她來說亦很重要，一定要「多陪伴」！