馮盈盈學唱歌：相信好多人叫我放棄！

藝人鄭裕玲、馮盈盈及聲夢歌手何晉樂（Rock）前晚出席無綫節目《脫毒要識Do》，Rock透露在英國修讀藥劑科時有助人脫毒的經驗，對於網民指新一屆聲夢學員唱功比上屆好，他認為是好事 :「吸取第一屆經驗，第二屆質素更高，令比賽觀賞度更高。」而盈盈之前跟譚嘉儀學唱歌，問到進展如何？她坦言：「我上咗幾堂，拍咗條片紀錄過程，依家剪接中，想畀大家睇吓我個成果，再判斷我係咪應該繼續學，相信好多人叫我放棄。」