葉蒨文拍古裝 終於有對白

無綫處境劇《愛．回家之開心速遞》演員葉蒨文最近以古裝拍攝，雖然並非首度着古裝，但卻意義重大：「我好鍾意古裝，好期待可以着，但一路都係做宮女、妓女角色，今次終於有一句對白，仲可以着靚靚咁，真係好開心！」她的等待原來充滿「洋葱」，她說：「有對白嘅古裝角色，一等就等咗5年，希望我團火一路唔好熄，繼續捱落去，應該會有更多對白，甚至有一套屬於我嘅古裝。」Set好古裝頭後，她興奮得不停影相：「對我嚟講係一個里程碑，係一路奮鬥嘅過程！」