飾演小助手 幫你攞着數 姚焯菲合作上癮 恨跟嘟嘟學急才

Chantel與嘟嘟日前為中銀香港的BoC Pay拍平面廣告，以及於「勁賞轉過嚟」宣傳片中大鬥演技。嘟嘟飾演「着數姐」，分享第2期消費券轉會用BoC Pay着數多。而Chantel雖未合資格領取消費券，但她扮演嘟嘟的小助理，將社交平台對轉會着數的留言分析給對方，全程表現精靈可愛。

2人合作愉快，嘟嘟向工作人員大讚Chantel乖巧聰明：「訪問過佢多次，佢識唱歌，好乖女又靚女，亦訪問過佢爸爸，全家人好融洽。佢爸爸經常接放學，相當錫囡囡，仲陪佢工作到夜深。我問佢未夠年齡領取消費券，會唔會打父母主意？她相當乖，唔會扭計Shopping。」

Chantel表示很開心得到前輩讚賞：「嘟姐口才太好，見識廣博，同拍檔過招有好多火花，希望可以同佢再合作拍攝節目，因為可以從佢身上學到口才同應變急才。」

新一輪消費券派發在即，一向精打細算的嘟嘟笑言：「我真係有研究，因為消費小數怕長計，我真心推介『100+68+20勁賞袋落袋』大法，BoC Pay『轉會現金賞』已經有100蚊，新客仲有68蚊迎新獎賞，推薦獎賞有20蚊，推薦朋友愈多獎賞愈多。消費管理都係一種理財哲學，朋友都話我係佢哋嘅盲公竹。」