處男作做窮鬼張天賦嗒「糖」唔怕傳緋聞

歌手MC張天賦昨日聯同葛民輝、凌文龍及新人黃曦誼（Candy）等出席電影《夜校》開鏡儀式。今次是MC首次拍戲，他稱已開了4日工，心情愉快，演窮小子的他片中跟凌文龍是好兄弟，與Candy有感情線，問到可有親熱鏡頭？MC說：「好似冇。」向來易惹緋聞的他，問到可擔心今次合作又傳緋聞？他明顯冇有怕：「唔緊要，有緋聞係好事，已經慣晒，睇開咗。（你唔會再去行超市？）呢個身份邊度都去唔到，或者一班人去囉！（會唔會避忌吓？）唔關事，人哋要講嘅話，點避都避唔到，都係做自己。」

MC透露今次拍攝以夜戲為主，笑言拍到天光就收工，一定不會超時，問到是否習慣通宵班？他坦言：「打機就習慣，做嘢就唔好。」至於Candy稱不擔心跟MC傳緋聞，覺得只是正常工作。

阿葛嘗天王級待遇

而葛民輝透露角色是個公子哥兒，所有戲服都是三件頭西裝：「大熱天時着西裝拍攝，現場又冇冷氣，認真大整蠱，熱到褲浪底都濕！」不過他有專人服待幫手抹汗，笑言可以一嘗天王級感受！