精明識揀BoC Pay登記消費券嘟嘟教人「轉會」攞着數遷就Chantel夜晚開工

被封做「國民初戀」的人氣偶像姚焯菲（Chantel）首次夥拍前輩鄭裕玲（嘟嘟）合作拍廣告，乖巧的Chantel深得嘟嘟歡心，為遷就她更破例在夜晚開工拍廣告，嘟嘟大讚Chantel有做小富婆的潛能。

在圈中以精明見稱的鄭裕玲聯同姚焯菲為中銀香港的BoC Pay拍攝最新廣告，2人為配合現實生活中的寫實角色，美少女Chantel以露腰裝襯熱褲清新造型上陣，而嘟嘟以一身輕鬆簡約的西裝褸牛仔褲知性打扮亮相。今次是2人首次合作，一向生活作息有規律的嘟嘟，為遷就Chantel放學時段，亦激罕於晚間開工進行拍攝。

睇好做「小富婆」潛質

嘟嘟談到第一次與Chantel合作，她說：「之前訪問接觸過Chantel幾次，覺得佢個樣真係好甜美，性格乖巧，我終於明白佢點解有『國民初戀』稱號，真係人見人愛。」在旁的Chantel即多謝嘟嘟的體諒：「嘟姐好好，遷就我放學後嘅時間嚟拍攝，我聽聞佢好早就瞓，所以我同佢講，我已經記熟對白，希望大家可以早啲收工。」

嘟嘟跟Chantel今次為中銀香港BoC Pay消費券計劃造勢，她們覺得BoC Pay推出的「勁賞轉過嚟」非常吸引，推介大家齊齊轉會，嘟嘟笑說：「我喺大家心目中嘅印象係好精明，精明嘅人就做精明嘅事，老實講轉會真係冇乜懸念，我都有叫身邊朋友好似我咁一齊轉會，因為真係着數多多，大家要拭目以待。」

今次消費券的年齡層為18歲以上，嘟嘟笑問年僅15歲的Chantel可會要求父母「共享」他們的消費券，買東西送給她，Chantel說：「其實我唔會特登叫佢哋買嘢畀我，自己都有儲錢，工作有收入、有零用錢，希望自己學理財，為將來打算，好好裝備自己。之後去外國讀書，我都想用自己賺到嘅錢交學費。」嘟嘟聽罷即笑言對她又再加分：「Chantel年紀小小已識搵錢，又有儲錢計劃，應該好快由『小公主』變成『小富婆』。」