4度安歌自爆採陽補陰鄭欣宜許廷鏗兌現紅館之約爆喊

歌手鄭欣宜的個唱前晚舉行尾場，請來好友許廷鏗擔任嘉賓，提到7年前的「紅館之約」如今終於兌現，感動得相擁而哭。欣宜笑言個唱以全男班做嘉賓是為了採陽補陰，期待下次邀爸爸鄭少秋上台父女跳唱。

鄭欣宜一連三晚的紅館個唱《Between Us鄭欣宜演唱會2022》前晚圓滿結束，張敬軒、男團MIRROR成員Lokman及女團COLLAR等也有捧場。欣宜個唱上多次哭成淚人，現場觀眾反應熱烈，欣宜4度安歌，並強忍着淚水答謝歌迷支持。

尾場由好友許廷鏗擔任嘉賓，他做完戶外音樂會後匆匆趕到，2人在台上的互動搞笑又催淚。他們合唱《好好戀愛》時忍不住笑，手拖手合唱《半份關心》時卻唱到眼濕濕，許廷鏗感性表示：「我見住你高高低低，但無論邊個高邊個低，我哋返到去仍然喺對方身邊。」他送上黑膠碟，並回憶2015年底許下的承諾：「當時我哋傻更更未上過紅館，我哋話如果上到，要有對方喺度，而我哋今日做到！」說畢2人早已淚流滿面，並攬了半分鐘。

自評表現75分

欣宜受訪時自評個唱只有75分，講到個唱中多次落淚，她笑言：「我好冇用，女人係水造，不過許廷鏗仲渣過我。」問到男友Derek有否來捧場？她說：「唔好講到佢已經係（男友），我好享受畀人追嘅過程。」又希望盡快再開個唱：「我覺得觀眾好鍾意我跳舞，下次跳多啲。（搵Anson Lo指導？）好呀！叫佢分擔吓。」又笑指今次嘉賓全男班是因為要採陽補陰。問到父親鄭少秋對其演唱會有何意見？她即以父親的腔口說：「好好，跳舞好犀利，唱啲歌好潮。下次我想同佢一齊跳唱《香港料理》。」有指她現時滿35歲便可繼承亡母6千萬遺產，她不願多談：「唔講呢啲，每年都講一次。」