新劇延拍 拉長戰線 胡美貽狂操 驚打回「圓」形

陳山聰、吳卓羲、唐詩詠擔演的無綫PTU題材新劇原本6月底開拍，但由於劇本進度問題，將延遲拍攝，現時劇中演員正加緊操練。飾演劇中唯一女PTU的胡美貽近日亦不停操練，但坦言淆底，擔心身形隨時反彈，她受訪時說：「依家操密咗好多，劇集延期開拍我好驚會肥番，惟有再Keep住Diet同操練，不過又唔可以太戒口，因為我要增肌，要食番多啲蛋白質，做運動食得少反而會增加脂肪。依家最緊要練背脊啲線條同手背肌，等啲肌肉Firm啲。」提到為角色要剪短髮，甚大犧性，她說：「其實我都未試過咁短頭髮，不過都習慣緊，到正式開劇時就要再剷短啲。」

劇中詩詠飾演高級警務人員，其他女角還有陳自瑤及何依婷，詩詠受訪時說：「我其實仲未收劇本，我嘅角色係高級警察，成日會同山聰、卓羲接觸，之前我都開始咗跑步，Trian咗一段時間。（延遲開拍有冇影響？）冇乜，愈遲體能就一定愈好啦！」

而山聰受訪時指詩詠現時拍甚麼題材的劇集都沒問題：「佢朝朝跑6K、8K，自從拍咗《超能使者》同《隱形戰隊》開始已經做好多運動，佢係好捱得！」現正拍攝《美麗戰場》的他指新作延遲開拍絕對是好事：「如果要兩套劇一齊開，我就覺都冇得瞓，依家可以專心拍咗葉念琛套劇先，又有足夠時間畀我休息同操練，兼顧兩套劇真係好辛苦。我又可以陪阿仔放暑假，都係好事嚟。」