宋宛穎讀親筆信 搞喊阿媽

即將卸任的港姐冠軍宋宛穎現身無綫節目《日日媽媽聲》，與身在澳門的媽咪Michelle作視像對話，母親更分享育兒點滴：「有擔心佢哋兩姊妹心智上、心理上嘅發展，但見到佢哋做每件事，學業都好自律同自覺，就算艱苦同埋唔開心都會繼續撐落去，佢哋一定係我生命入邊最重要同埋係我嘅動力，見到佢哋健康成長，所有嘢都值得。」宋宛穎坦言感恩與媽咪關係似朋友，雖然於單親家庭成長，但媽咪很努力彌補家庭不完美的部分。她又讀出一封寫給母親的信，感謝母親多年來付出及陪伴成長，令其母感動得流下淚來。