娛美人：黃瀅仴冇得北上學戲嘆可惜

無綫新人黃瀅仴（Verena）畢業於第31期無綫訓練班，才藝多多的她既懂彈琴，又識跳多種舞蹈，以往是學校的風頭躉。現時正為劇集《婚後事》拍攝的她，坦言加入娛樂圈是為了完成人生清單的其中一項，她說：「讀緊中學時已經諗過報內地演藝學校，好似北京演藝學院同中央戲劇學院，但家人覺得我喺香港攞張大學證書會好啲。我都有啲覺得可惜，不過喺訓練班真係學咗好多。」