謝安琪爆囡囡偏心 向老公宣戰

歌手謝安琪（Kay）昨日以代言人身份現身美容活動，身穿白色大露背長裙，身形Fit到漏！她透露會在家中為囡囡張靖（Kakaball）做美容及和按摩，傳授扮靚心得，希望囡囡更懂得愛錫自己及保持身心健康。Kay笑稱Kakaball愛美，所以對媽媽特別偏心，一臉冧爆表示：「佢之前母親節畫咗張卡畀我，父親節學校又畫卡，佢同我講畫咗張卡畀爸爸（張繼聰），想畫多張畀我，生女真係好甜！」至於現年15歲的兒子不像妹妹般「偏心」，但保持童心，對家人亦相當體貼，雖然生日將至，但表示與家人食飯慶生已滿足。